Холанд "Манчестер дерби"сида энг зўр ўйнаган футболчини айтди

"Манчестер Сити" ҳужумчиси Эрлинг Холанд "шаҳарликлар" дарвозабони Жанлуижи Доннарумма ўтган Манчестер дербисининг энг яхши футболчиси бўлганини айтди. "Сити" 14 сентябр, якшанба куни "Манчестер Юнайтед"га қарши баҳс олиб борди ва 3:0 ҳисобида йирик ғалабаси билан якунланди. Холанд бу ўйинда дубль қайд этди.

"Доннаруммани унутманг! У бугун тенгсиз бўлди! Эҳтимол, мен унга ўйиннинг энг яхши футболчиси мукофотини топширган бўлардим. У ажойиб ўйин кўрсатди", - дея Холанднинг сўзларини келтиради таниқли инсайдер Фабрицио Романо Х ижтимоий тармоғида.

Доннарумма ёзда "Манчестер Сити"га ўтганди. Аввалроқ, италиялик дарвозабон ПСЖ ва "Милан" клубларида тўп сурган.