Холанд қочиб-қутилолмайди. Абрамович унинг трансферига 155 миллион фунт ажратди
“Челси” раҳбарияти Европа Чемпионлар лигасидаги ғалабадан сўнг, келажакка катта режалар қилмоқда.
Клуб хўжайини Роман Абрамович бош мураббий Томас Тухелнинг ишидан қониқиш ҳосил қилди ва ёзги трансферлар вақтида асосий нишон сифатида белгиланган Эрлинг Холандни Лондонга кўчириб келмоқчи.
Маълумотларга қараганда, россиялик миллиардер норвегиялик ҳужумчи учун қарийб 155 миллион фунт сарфлашга рози бўлган ва бу трансфер молиялаштиришини билдирган.
Аввалроқ. Холанд “Челси”ни етарли даражада кучли жамоа эмаслигини айтиб, уларнинг таклифини қабул қилмаган эди. Бироқ, Чемпионлар лигасидаги ғалабадан сўнг, 20 ёшли тўпурарнинг фикри ўзгарди.
Гарчи, “Боруссия” Холандни келаси мавсум учун таркибда сақлаб қолишини билдирган бўлса-да, “Челси” таклиф қилаётган сумма вазиятни кескин ўзгартириб юборади.
Фикрлар