"Хоразм" иккита трансферни эълон қилди

Про лигада иштирок этаётган “Хоразм” клуби ёзги трансфер очилиши биланоқ иккита трансферни амалга оширганини эълон қилди.

Жумладан, 4 июль куни 30 ёшини қаршилайдиган ҳужумчи Мурод Бобожонов расман “Хоразм” аъзосига айланди. Айтиш мумкинки, у ўз уйига қайти. Охирги жамоаси “Нефтчи” клуби эди. Шунингдек, “Локомотив”, “Қизилқум”, “Бухоро”, “Металлург” ва “Сурхон” клубларида ҳам тўп сурган.

“Хоразм” бундан ташқари, “Хоразм ФА” жамоасидан 29 ёшли ҳужумчи Сардор Матмуротов билан ҳам шартнома имзоланганлигини расман эълон қилди.

Эслатиб ўтамиз, бугун "Хоразм" клуби Ўзбекистон Кубоги нимчорак финал доирасида Тошкентда "Олимпик Мобиуз"га қарши майдонга тушади.