Хусанжон Каримов рақибини рингга қулатди

Беларуснинг Гомел шаҳрида бокс бўйича ўтаётган анъанавий мусобақада ҳамюртимиз Хусанжон Каримов финалга йўл олди.

60 кг вазн тоифасида рингга кўтарилган Хусанжон ярим финал босқичида қозоғистонлик Жонсерик Дюсенбековга бир қатор аниқ зарбалар йўллади. Ушбу зарбаларга қаршилик кўрсата олмаган қозоғистонлик боксчи нокаутга учради.

Шу тариқа турнирнинг финал босқичига йўл олган Х.Каримов сўнгги белашувини беларуслик Димитрий Балковга қарши ўтказади.