Ямал бу борада Месси ва Мбаппега етиб олди

"Барселона" вингери Ламин Ямал декабрь ойида Ла Лиганинг энг яхши футболчиси деб топилди.

Шу тариқа испаниялик футболчи кетма-кет иккинчи марта ойнинг энг яхши футболчисига топшириладиган совринни қабул қилиб олди. Манбага кўра, 18 ёшли футболчи бу совринни кетма-кет қўлга киритган 4-футболчи бўлди. Бу натижа орқали Ямал "Барселона" собиқ футболчиси Лионель Месси (2018 йил), "Атлетико Мадрид" собиқ ҳимоячиси Диего Годин (2014 йил) ва "Реал Мадрид" юлдузи Килиан Мбаппе (2025 йил) эришган натижани такрорлади.

Маълумот учун, ушбу мукофот 2013 йилдан бери топширилади. Совриннинг биринчи ғолиби Диего Коста ҳисобланади.