Ямаль: «Ҳеч ким Мессидан бундай ўйин кутмаган эди»

Испания терма жамоаси ярим ҳимоячиси Ламин Ямал 39 ёшли Аргентина ҳужумчиси Лионель Мессининг 2026 йилги жаҳон чемпионатидаги ўйини ҳақида фикр билдирди.

«Бу ҳақиқатан ҳам ажойиб. Ҳамма Мессининг кимлигини билади, лекин бу турнирда шундай ўйин намойиш этади, деб кўпчилик кутмаганди. Унинг учун жуда хурсандман, худди шунингдек Неймар ва Криштиану учун ҳам», — дея Ямалнинг сўзларини келтиради Mundo Deportivo нашри.

Жорий жаҳон чемпионатида Месси беш учрашувда майдонга тушиб, саккизта гол урди. Ҳозирча у мусобақанинг энг яхши тўпурарлари рўйхатида пешқадамлик қилмоқда. Қолаверса, у шу мундиалда ўтказилган ҳар бир ўйинда гол киритишга эришган.

Чорак финалда Аргентина терма жамоаси Швейцарияга қарши майдонга тушади. Учрашув 12 июль куни бўлиб ўтиши режалаштирилган.