Ямални АПЛнинг 2 топ клуби нишонга олди!

"Ливерпуль" ва "Манчестер Сити" "Барселона"нинг ёш юлдузи ҳисобланган Ламин Ямални кузатиб бормоқда, дея хабар бермоқда "Mundo Deportivo" нашри. 
 
Хабарингиз бор, Ямалнинг "кўк-анорранглилар" билан шартномаси 2026 йил ўз ниҳоясига етади. Шундай бўлса ҳам яқин кунларда узоқ муддатли шартнома имзолаши ҳақидаги миш-мишлар тарқалмоқда. 
 
Маълумотларга кўра, сўнгги кунларда Арне Слот ва Хосеп Гвардиола бошчилигидаги клублар испаниялик футболчи атрофидаги вазиятни ўрганмоқда. Гарчи Ямал билан шартнома имзолаш қийин бўлса - да, ҳаракат қилиб кўришни мақсад қилишган. 
 
Эслатиб ўтамиз, 17 ёшли вингер жорий мавсум каталонияликлар сафида 41 та учрашувда иштирок этиб, 13 та гол ва 19 та голли узатмага муаллифлик қилган.