Ямалнинг гапи "Барса"нинг икки юлдузига ёқмади

«Олтин тўп» учун кураш ҳақида сўз кетар экан, «Барселона»нинг ёш вингери Ламин Ямал яқиндаги интервьюсида ўзини ва Килиан Мбаппени дунёдаги энг кучли икки футболчи деб ҳисоблашини айтган эди. 

El Nacional нашри ёзишича, ушбу баёнот каталонияликлар кийиниш хонасида маълум даражада ноқулай вазият юзага келишига сабаб бўлган.

Айниқса, Ямалнинг гаплари жамоа ҳужумчилари Рафинья ва Родрига ёқмагани қайд этилмоқда. Уларнинг ўзи ҳам ўзини элита даражасидаги футболчилар қаторида кўради ва ёш вингернинг бу фикрини хуш қабул қилмаган.

«Юлдузларга тўла кийиниш хонасида ўзингни бошқалардан устун қўйиш ҳақидаги очиқ баёнот жамоадошларга нисбатан ҳурматсизлик сифатида қабул қилиниши мумкин. Чунки уларнинг ҳам ўзини дунёдаги энг яхши футболчилардан бири, деб ҳисоблашга асослари бор», — дея таъкидланади мақолада.

Манбага кўра, эндиликда бош мураббий Ханси-Дитер Флик учун энг муҳим вазифалардан бири — вазиятни назорат остига олиш ва жамоа ичидаги муҳит ёмонлашиб кетишининг олдини олишдир.