Ян Блахович Камару Усманга ақлбовар қилмас таклиф билан чиқди!

Ярим оғир вазн тоифасида собиқ UFC чемпиони Ян Блахович(29-10-1) вазн тоифасидан қатъи назар, энг яхши UFC жангчилари рейтингининг собиқ етакчиси ва ярим ўрта вазн тоифасида собиқ UFC чемпиони, нигериялик Камару Усман(20-4)га 93 кгда жанг қилиш таклифини билдирди.

Эслатиб ўтамиз, "UFC 291" турнири доирасида бўлиб ўтган сўнгги жангида Ян Блахович октагонда Алекс Перейра билан учрашган ва  мазкур тўқнашув Перейранинг ғалабаси билан якунланган. Кейинчалик Блахович Александр Ракич билан жанг қилиши керак эди, бироқ елкасидан жароҳат олиб, жангни тарк этишга мажбур бўлганди.