Янги вундеркиндга "ов" бошланди

Англия Премьер-лигасининг уч қудратли клуби – “Челси”, “Манчестер Сити” ва “Арсенал” скаутлари Польшанинг “Ягеллония” клубида ўйнаётган 17 ёшли ҳужумчи Оскар Петушевскини кузатиб бороқда.

Учала клуб ҳам футболчининг атрофидагилар билан дастлабки музокараларни ўтказди ва ва январдаги қишки трансфер ойнасида расмий таклиф билан чиқишга тайёргарлик кўрмоқда.

Бу ҳақда TEAMtalk хабар берди.

Манбанинг маълум қилишича, “Ягеллония” ёш футболчини 15 миллион евро эвазига қўйиб юборишга тайёр. Клуб талаб қилаётган суммани тўлаш Англия грандларига умуман қийинчилик туғдирмайди.

Оскар Петушевскининг ўзи ҳам фаолиятини ривожлантириш учун замонавий футболнинг ватани ҳисобланган Англияга кўчиб ўтиш истагини билдирмоқда.

Жорий мавсумда Петушевски барча турнирларда 32 та ўйинда иштирок этиб, 3 та гол ва 3 та голли узатмага муаллифлик қилган. Футболчининг клуб билан амалдаги меҳнат шартномаси 2027 йил ёзигача мўлжалланган. Transfermarkt порталидаги маълумотларга кўра, футболчининг бозор қиймати 8 миллион еврони ташкил этади.