Янгиланган IBF рейтингида Шоҳжаҳон Эргашев пастлади

Профессионал бокснинг таянч ташкилотларидан бири ҳисобланган Халқаро бокс федерацияси (IBF) ўзининг янги рейтингини эълон қилди.

Ярим ўрта вазн тоифасида (66,6 кг) IBF Шимолий Америка минтақавий чемпионлик камари эгаси Шаҳрам Ғиёсов ушбу рейтингда ўтган ойдаги каби 9-поғонани сақлаб қолган.

Супер енгил вазн тоифасида (63,5 кг) фаолиятини давом эттираётган Шоҳжаҳон Эргашев 4-ўриндан 2 поғона пастлаб, 6-ўринда қайд этилган.

Биринчи ярим енгил вазн тоифасида (55,3 кг) Муроджон Аҳмадалиев йўналиш чемпионлик позициясини банд қилиб турибди.

Ушбу рейтингда бошқа ўзбек боксчилари қайд этилмаган.