Yaqinda 50 yoshni qarshi oladigan Chusovitina Jahon kubogida sovrindor bo‘ldi

Gimnastika afsonasi Oksana Chusovitina Germaniyaning Kotbus shahrida tashkil etilayotgan Jahon kubogi bosqichida bronza medalga sazovor bo‘ldi.

Tayanib sakrash dasturida qatnashgan yurtdoshimiz 13.249 ball bilan 3-natijani qayd etdi. 

Ta’kidlash kerak, Oksana shu yilning 19 iyun sanasida 50 yoshni qarshi oladi. U 8 ta yozgi Olimpiada o‘yinlarida ishtirok etib, Ginnesning rekordlar kitobiga kirgan.