Яққол курашчилар баҳси қандай якун топади ёҳуд Билол Муҳаммад ва Шон Брэди жанги превьюси

  • 18 октябрь, 14:51
  • 0
  • MMA

UFC 280: Oliveira vs Makhachev турнири шу даражада хилма-хил ассортиментга эга кардки, сиз бунда хоҳлаган яккакураш услубига эга вакилни топа оласиз. Шу ўринда ярим ўрта вазннинг топ проспектлари дея эътироф этилаётган икки бир хил услуб вакиллари - Билол Муҳаммад (21-3 1NC) ва Шон Брэди (15-0) баҳси ҳам бизга зерикарли баҳс тақдим этмаслиги ҳақиқатга яқинроқ жараён. 

Фаластинлик Билол Муҳаммад айни дамда 77 кг. гача бўлган вазннинг топ-5 рейтингидан жой олган ва 2019 йилдан буён 8 жангдан иборат мағлубиятсиз серияда кетмоқда (7 ғалаба, 1 натижаси бекор қилинган баҳс). Бемалол айтишимиз мумкинки, шу темпда Билол бир-икки ғалабадан сўнг бемалол титуль жангида иштирок этиши мумкин. Муҳаммад шу йил апрель ойида ўзининг фаолиятидаги энг муҳим ғалабалардан бирини қўлга киритди. Висенте Люкега ҳеч қандай имконият қолдирмаган жангчи 6 йил олдинги мағлубият учун ўзига хос равишда реванш олишга муваффақ бўлди.

Америкалик Шон Брэди эса анча аввалдан ўзининг ғалабага чанқоқлиги билан анчадан буён энг умидли жангчилардан бири дея эътироф этиб келинмоқда. Брэди ўзининг ғалабали одимини UFC узра ҳам давом эттирмоқда ва рекордини 15 жанглик ғалабага қадар етказиб олди. Ўтган йилнинг ноябрь ойида Шон фаолиятидаги энг эътиборга молик жангда рақиби Майкл Кьезани муросасиз кечган баҳсда мағлубиятга учратди. У ҳам худди рақиби каби курашни яхши кўрувчи ва ундан мунтазам тарзда фойдаланувчи жангчи ҳисобланади.

Кўринишидан бу жанг икки рақибнинг ҳам эҳтиёткор тактикаси сабабли тўлиқ давом этиш эҳтимоли юқори. Шундай бўлса-да, аксарият нашрлар Брэдининг имкониятини юқори баҳоламоқда. Аммо, унутмаслик керакки, Муҳаммад сўнгги йилларнинг энг тез прогрессга эришган жангчиси ва ушбу тўқнашувга тайёргарлик кўриш жараёнида Ҳабиб Нурмагомедов ёрдамига суянди. Демакки, бемалол биз яна битта "Турнирнинг энг яхши жанги" бўсағасида турибмиз дея оламиз.

Фикрлар

Фикр қолдириш учун авторизациядан ўтинг!