Yaxshiyam Shomurodov bor ekan!

  • 7 yanvar, 2021, 11:53
  • Zohir Toshxo’jayev
  • 2
  • Futbol
TIGGO 2 PRO

“Jenoa” Italiya chempionatining 16-turidan o‘rin olgan safar uchrashuvida o‘zidan har tomonlama kuchli bo‘lgan “Sassuolo”ga 1:2 hisobida imkoniyatni boy berib qo‘ydi. Genuyalik futbolchilar avvalgi ikki turda yangi bosh murabbiy Davide Ballardini qo‘l ostida bittadan g‘alaba va durangga erishgani bois, jamoa muxlislari bu gal ham “Jenoa” ijobiy natija qayd etishini kutgandi.

Amalda unday bo‘lmadi. Birinchi bo‘limda raqibga munosib qarshilik ko‘rsatgan Shomurodovning jamoadoshlari yakunda baribir mag‘lubiyatini tan olishga majbur bo‘ldi.

136408860_4200333049977583_658990084632388806_o

“Jenoa”ning yagona golini urgan Eldor uchrashuvning eng yaxshi futbolchisi bo‘ldi.

An’anaga ko‘ra, “Jenoa” muxlislarining Shomurodov haqidagi fikr-malohazalarini e’tiboringizga havola etamiz.

Luigi Bozzano:

Afsuski, biz yana yutqazdik. Ikkinchi shov-shuvli durangga juda yaqin edik. Men yana Shomurodovning o‘yinini e’tirof etishni istayman. “Latsio” bilan o‘yinda uning golli pasi bizni mag‘lubiyatdan qutqarib qolgandi. “Sassuolo”ga qarshi o‘tkazilgan uchrashuvda Eldor gol urib hisobni tenglashtirdi, lekin jamoa durang natijani ushlab qola bilmadi.

Giacomo Proietti:

Ikkinchi bo‘limdagi o‘yinimiz sharmandalik. Shomurodov yorqin o‘yin ko‘rsatgan yagona futbolchi bo‘ldi. Qolganlarning futbol o‘ynagisi kelmayapti shekilli.    

Ariano Merlo: (Giacomo Proietti fikriga javob)

Shomurodov ham ikkinchi bo‘limda o‘zini ko‘rsatolmay qoldi. 45 daqiqada bitta xavfli zarba berdi xolos.

136523998_4200333116644243_390813031392858875_o_1

Daniele Sturla:

Menimcha, Shomurodovga hujumdagi sherik sifatida Janluka Skamakkaning maydonga tushirilishi xato qaror bo‘ldi. Mattia Destro o‘zbek futbolchisi bilan kuchliroq o‘ynardi. Bu mag‘lubiyatimizning sabablaridan biri.

Amilcare Giopp:

Men yana bir bor ko‘p tanqid qilinayotgan o‘zbek legionerining samaradorligini alohida ta’kidlashni istayman. U “Jenoa” tarkibida 623 daqiqa o‘ynadi. Bu vaqt mobaynida ikkitaga gol urdi, ikkitaga golli pas uzatdi, “Milan” darvozasiga kiritilgan golda qatnashdi. Eldor har 124 daqiqada golli vaziyatlarda bevosita ishtirok etmoqda.

Emmanuel Pezzella:

“Jenoa”ning menga ma’qul kelgan yagona tomoni, yangi murabbiy qo‘l ostida hujumchilarning o‘yini ochilib borayotganidir. Ballardini boshqargan birinchi bahsda Goran Pandev va Mattia Destro zo‘r o‘ynagandi. Shomurodov ketma-ket ikkita o‘yinda bittadan gol va golli pas muallifi bo‘ldi. Janluka Skamakka ishonchni oqlamayapti. Agar Shomurodov, Destro va Pandev uchligi maksimum darajada o‘ynasa, hujumda muammo bo‘lmaydi.

Pasquale Riondato:

Shomurodov jamoamiz tarkibida yorqin iz qoldirgan yagona futbolchi. Avval ko‘pchilik uni olish uchun ko‘p pul to‘langanini tanqid qildi. Endi ruslar bu hujumchi uchun arzon narx so‘ragani o‘z isbotini topdi.

136420630_4200334386644116_8281881072449721763_o

Marco Patassini:

Shomurodov gol urgani meni juda xursand qildi. Lekin u ham avvalgi o‘yinlardagichalik yordam bera olmadi. U ham gol urib, ham jamoani ortidan ergashtirishi kerak.

Super gol urgan Shomurodovning o‘yini qanday baholandi?

Fikrlar

Fikr qoldirish uchun avtorizatsiyadan o'ting!
Дилшод Даврлнов
07/01/2021 20:23
Элдор босс газига
&
Majid
07/01/2021 13:33
Eldor omad