Яхшиям Шомуродов бор экан!
А Серия якунланиши арафасида “Женоа” ҳужумчиси Элдор Шомуродовнинг ўйини очилиб кетгани унинг юртимиз ва хориждаги мухлисларини хушнуд этмоқда. Ўзбек ҳужумчиси Италиянинг бугунги кундаги энг кучли клубларидан бири – “Аталанта” дарвозасига бир жуфт гол ургани генуялик мухлисларга ёқиб тушди.
Йил ўртасига келиб, Элдорнинг ўйинида ўсиш кузатилаётган ўзбекистонлик ишқибозларни бошқа томондан умидвор қилмоқда. Яқинда Ўзбекистон миллий терма жамоаси 2022 йилги жаҳон чемпионати ва 2023 йилги Осиё кубогининг қўшма саралаш турнири доирасида муҳим учрашувларни ўтказади. Бу баҳслар олдидан бош жамоамизнинг асосий ҳужумчиси ва тўпурари Элдор Шомуродовнинг имкониятлари кенгайиб бораётгани ҳал қилувчи ўйинларда қўл келишига ишонч уйғотмоқда.
Элдор ўзи учун дебют мавсумда еттита гол урди. Бу жуда яхши кўрсаткич. Айниқса, Италия футболида ҳар қандай жамоанинг ҳимояси мустаҳкамлигини инобатга олсак, унинг голлари қиймати янада кўтарилади.
“Женоа” – “Аталанта” беллашувидан кейин генуялик мухлислар ижтимоий тармоқлар орқали Элдор Шомуродов ўйинига юқори баҳо берди. Эътиборингизга ушбу муносабатларни ҳавола қиламиз.
Davide Donadio:
Шомуродов ажойиб! У ўткир ҳужумчи ўрнида қандай зўр ўйнади! Элдор ҳозирги пайтда энг зўр ҳужумчимиз.
Mischael Mucelli:
Ўзбек легионери ҳақиқий жангчи экан! У ҳар бир тўп учун курашади. Рақиб майдонида тўпни олиб қўйиб, гол ҳам уришга эришди. Агар ҳар бир футболчимиз Элдордай ўйнаганида Скудеттони қўлга киритган бўлардик.
Lorenzo De Bellis:
Элдор охирги бешта ўйинда тўртта гол урди. Менимча, унинг истеъдодига шубҳа қилганлар етарли жавобини олди.
Stefano Martinelli:
Ўзбекка гап йўқ! Иккита зарба – иккита гол. Бизда бунақа ҳужумчилар анчадан бери йўқ эди.
Gianni Cesari:
Менимча, Давиде Баллардини Шомуродовни захирада олиб қолиб, катта хато қиляпти. Бунақа ўйинчи илк дақиқалардан майдонда жавлон уриши керак.
Lorenzo dell'Uva:
Яхшиям Шомуродов бор экан! Маттиа Дестро мавсум ўртасида кўп гол урганди. Ҳозир Шомуродовдан зўри йўқ!
Simone Boffelli:
Россия чемпионатининг жорий мавсумда Элдор саккизта ўйинда гол ура олмаганди. Лекин анча кучли бўлган А Серияда ўзини кўрсата олди ва еттита зарбаси дарвоза тўридан жой олди. У кучли чемпионатдаги натижалаари билан бизни ҳайратга соляпти.
Cristian Cortinovis:
Элдор захирадан тушиб гол уришда уста бўлиб кетди.
Davide Ventaglio:
Элдор ўйиндан ўйинга очилиб бормоқда. Бу менга ёқяпти.
Giulia Lavinia:
Ҳужум чизиғи яхши ўйнади. Мен кўп танқид қиладиган Шомуродов ҳам ёқа бошлади.
Alessio Conti:
Элдорнинг ўйини маъқул келди.
Emilio Morgavi:
Уч ҳужумчи Пандев, Скамакка ва Шомуродов билан ўйнаш керак!
Фикрлар