Ёзда "Барселона" сотмайдиган 3 та футболчи бор. Қолганлар сотиб юборилиши ёки алмаштирилиши мумкин

Каталониянинг "Барселона" клуби яқинлашиб келаётган ёзги трансферлар даврида жамоани тарк этмайдиган 3 нафар футболчини аниқлаб олди.

ESPN нашри тарқатган хабарга кўра, дарвозабон Марк-Андре тер Штеген, ярим ҳимоячи Френки Де Йонг ва ҳужумчи Лионель Месси “кўк-анор ранглилар” сафини бу ёз ҳар қандай ҳолатда ҳам тарк этмайди. Қолган барча футболчилар сотиб юборилиши ёки қайсидир футболчи ўрнига алмаштирилиши мумкин.

“Барселона” мавсумлар оралиғида ўнг қанот ва марказий ҳимоячи, шунингдек ярим ҳимоячи ва ҳужумчи сотиб олишни режалаштирмоқда.