Юрген Клопп "Ливерпуль"га "Милан" футболчисини олиб келмоқчи

"Милан" ярим ҳимоячиси Сандро Тонали Италия А Сериясини Англия Премьер лигасига алмаштириши мумкин. "Ливерпуль" футболчининг трансферига қизиқиш билдирмоқда.

"Daily Express" нашри хабарига кўра, мерсисайдликлар ярим ҳимоячини ўз сафига қўшиб олмоқчи Қайд этилишича, Тоналининг трансферига “Ливерпуль” бош мураббийи Юрген Клоппнинг шахсан ўзи қизиқмоқда.

22 ёшли Тонали жорий мавсумда барча турнирларда 14 та ўйинда майдонга тушиб, ўз ҳисобига битта гол ва 3 та голли узатмани ёздириб қўйган. "Тransfermarkt" портали италиялик футболчининг нархини 50 миллион еврога баҳоламоқда.