Юрген Клопп: Роналду учун жуда хурсанд бўлдим

"Ливерпуль"нинг собиқ бош мураббийи Юрген Клопп Португалия терма жамоаси ҳужумчиси Криштиану Роналдунинг Ўзбекистон дарвозасига урган дубли ҳақида фикр билдирди. Эслатиб ўтамиз, учрашув 5:0 ҳисобида португалияликлар фойдасига якунланди. Роналду 6- ва 39-дақиқаларда гол урди ва майдонда тўлиқ 90 дақиқа ҳаракат қилди.

"Энг ҳайратланарлиси шу бўлдики: биринчи ўйиндан кейин Криштиану Роналду қаттиқ танқид қилинди – мен бунга эътибор бердим. У эса жавобан мана шундай ўйин кўрсатди, ҳаммасига қўшимча равишда 41 ёшида шундай жонли, юқори шиддатда ҳаракат қилди. Мен жуда хурсанд бўлдим. Унинг ёшида инсонни бирор нарса иш бермаганда ҳали ҳам шунчалик ўйлантириши ўзи бир мўъжиза. Унинг бундай реакцияси эса янада таассуротли", – дея Клоппнинг сўзларини келтиради Goal нашри.

"Жаҳон чемпионати – 2026" мусобақаси 11 июндан 19 июлгача ўтказилмоқда. Гуруҳ босқичи 3-тур доирасида Португалия терма жамоаси 28 июнь куни Колумбия жамоасига қарши майдонга тушади.