Юрриен Тимбер: "Арсенал" ғалабага жуда ташна клуб"

Лондоннинг "Арсенал" клуби ҳимоячиси Юрриен Тимбер Англия Лига Кубоги ярим финал доирасидан ўрин олган "Челси"га қарши учрашувдан сўнг ўз фикрларини билдирди.

"Стадионда ажойиб муҳит бор эди. Энди бизни "Уэмбли" кутмоқда. Биз бугун майдонда кучли рақибга қарши ажойиб ўйин кўрсатдик. "Челси" устидан икки марта ғалаба қозониш бизнинг катта меҳнатимиз натижаси эканлигини кўрсатади. Биз жамоа билан олдимизга улкан мақсадлар қўйганмиз. "Арсенал" ғалабага жуда ташна клуб", - деб келтирди нидерландиялик футболчининг сўзларини BBC Sport нашри.

Маълумот учун, Артета шогирдлари икки ўйин натижасига кўра "Челси"ни 4:2 ҳисобида мағлуб этиб, финалга йўл олди. Лондон клуби финалда "Манчестер Сити" ва "Ньюкасл" ўртасидаги учрашув ғолибига қарши майдонга чиқади. Илк беллашувда Гвардиола жамоаси 2:0 ҳисобида зафар қучган эди.