"Ювентус" Дибалага Париждан ўринбосар топди

"Ювентус" "Пари Сен-Жермен" ҳужумчиси Мауро Икардига қизиқиш билдирмоқда.

Сalciomercato.com нашри хабарига кўра, туринликлар ҳужумчи Пауло Дибала билан шартномани узайтира олмаса, итальян клуби унинг ватандошини А Серияга қайтаришга уриниб кўради.

27 ёшли форвард ўтган мавсум сўнггида ПСЖ билан 2024 йилгача мўлжалланган шартнома имзолаганди, бироқ у жамоадаги ўрнидан қониқиш ҳосил қилмаяпти, шу сабабали "кекса синьора" спорт ишлари бўйича директори Фабио Паратичи форварни ушбу трансферга кўндира олишига ишонмоқда.

Жорий мавсумда Икарди Лига 1 да тўртта ўйинда майдонга тушиб, иккита гол киритишни уддалади.