«Ювентус» Фоларин Балогун учун курашда пешқадамлик қилмокда

Туриннинг машҳур «Ювентус» клуби «Монако» ва АҚШ терма жамоаси ҳужумчиси Фоларин Балогун учун курашда пешқадамга айланди. 

Mundo Deportivo нашрининг ёзишича, 25 ёшли форвардга қизиқиш 2026 йилги жаҳон чемпионатидаги муваффақиятли ўйинидан сўнг кескин ошган. Балогун мусобақада учта гол ургани билан эътибор марказига тушди.

«Монако» раҳбарияти ҳужумчини осонликча қўйиб юбормоқчи эмас. Клуб трансфер учун қаттиқ молиявий шарт қўйган ва Балогунни камида 50 миллион евродан камга сотмаслигини маълум қилган.

Футболчига фақат «Ювентус» эмас, бошқа йирик жамоалар ҳам қизиқмоқда. Хусусан, дортмундлик «Боруссия» ҳамда «Сандерленд» Балогуннинг эҳтимолий трансфери бўйича вазиятни яқиндан кузатиб бормоқда.

2025/2026 йилги мавсумда Фоларин Балогун барча мусобақаларни қўшиб ҳисоблаганда 43 та ўйинда майдонга тушди, 19 та гол урди ва 5 та голли узатма амалга оширди.