"Ювентус" футболчисига АПЛдан харидорлар бор!

"Ювентус" ярим ҳимоячиси Кефрен Тюрам фаолиятини Англияда давом эттириши мумкин. "Calciomercato" нашрининг хабар беришича, "Манчестер Юнайтед" ва "Ливерпуль" француз футболчисини сотиб олишга қизиқиш билдирмоқда.

Инглиз клублари 24 ёшли ярим ҳимоячи учун 75 миллион евро тўлашга тайёр. Кефрен 2024 йилда "Ницца"дан "Ювентус"га 20 миллион евро эвазига ўтган. Унинг шартномаси 2029 йил 30 июнгача амал қилади.

Маълумот учун, жорий мавсумда Тюрам Турин клуби сафида барча мусобақаларда 35 та ўйинда майдонга тушиб, иккита гол урган ва тўртта голли узатма берган. Трансфермаркт Тюрамнинг нархини 40 миллион еврога баҳоламоқда.