"Ювентус" Николас Жексонга кўз тикди

Таниқли журналист Жанлука Ди Марционинг хабарига кўра, "Ювентус" Рандаль Коло-Муанини олиш борасида музокаралар ижобий якунланмаса, "Челси" форварди Николас Жексонга йўналиши мумкин.

Маълумот учун, "Ювентус" Коло-Муани бўйича ПСЖ билан олиб бораётган музокараларни якунига етказа олгани йўқ. Шу боис, клуб ёзда ҳужумчи олиш учун альтернатив вариантларни кўриб чиқмоқда.

Айни пайтда туринликлар "аристократлар" билан алоқа ўрнатган ва музокараларда илгарилашга ҳаракат қилмоқда. Бироқ, Жексон трансферида асосий даъвогар сифатида "Бавария" кўрилаётгани қайд этилмоқда.