“Ювентус” тез орада супертрансферни эълон қилади

“Ювентус” раҳбарияти тез кунларда жуда катта трансфер ҳақида расмий баёнот беришга тайёргарлик кўрмоқда.

Маълумотларга қараганда, туринликлар “Манчестер Юнайтед”ни тарк этган Поль Погбани “Ювентус”га келишга кўндирган ва томонлар тез орада расмий шартнома имзолаши кутилмоқда.

Поль Погба 2012-2016 йиллар давомида “Ювентус” шарафини ҳимоя қилган. Кейин уни “Манчестер Юнайтед” рекорд сумма – 105 миллион еврога сотиб олди.

Энди яна ортга қайтган франциялик ярим ҳимоячи Турик клубида 8 миллион евро маош олиши айтилмоқда. Бундан ташқари, клуб ўйинчининг натижаларига қараб, унга турли бонуслар тўлаб боради.