Захирадан майдонга тушган Абдуқодир Ҳусанов неча баллга лойиқ кўрилди?

Хабарингиз бор, Англия Премьер-лигасининг 17-турида Хосеп Гвардиола бошчилигидаги "Манчестер Сити" ўз майдонида "Вест Хэм"ни қабул қилиб, йирик 3:0 ҳисобида муваффақиятга эришди. Беллашувнинг 67-дақиқасида эса ҳамюртимиз Абдуқодир Ҳусанов захирадан ўйинга қўшилди. Испаниялик мутахассис ҳисобдан келиб чиққан ҳолда, вакилимизни ўйинга ташлади. 
 
Тўқнашувдан сўнг эса бир неча машҳур порталлар Ҳусановнинг ўйинини турлича баҳолади. 

"Fotmob" вакилимизни 6.5 баллга лойиқ кўрган бўлса, "Sofascore" портали Ҳусановга 6.9 балл қўйди. Бундан ташқари, яна бир машҳур нашрлардан бири ҳисобланган "Flashscore" сайти эса ҳамюртимизга 6.7 балл берди.

Маълумот ўрнида, "шаҳарликлар" навбатдаги учрашувини 27 декабрь куни "Ноттингем Форест"га қарши ўтказади. Ушбу баҳс Тошкент вақти билан 17:30’да старт олиши режалаштирилган.