Зеедорф "Сити" - "Реал" ўйинидан олдин: Имконсиз нарсанинг ўзи йўқ

"Реал"нинг собиқ футболчиси Кларенс Зеедорф бугун "Манчестер Сити"га қарши бўлиб ўтадиган ЕЧЛ 1/8 финал жавоб баҳсидан олдин мадридликларнинг имкониятлари ҳақида гапирди.

Зинедин Зидан шогирдлари "Сантьяго Бернабеу"да ўтказилган дастлабки ўйинда 1:2 ҳисобида “шаҳарликлар”га имкониятни бой бериб қўйган эди.

“Реал” Зидан қайтгач, худди аввалгидек кўриняпти, жамоа рестартдан сўнг жипслашди. Вазиятни ўнглаш қийин бўлади, аммо имконсиз нарсанинг ўзи йўқ. Умуман олганда, иккала клуб ҳам дунёнинг энг кучли жамоалари ва мусобақа фаворитлари ҳисобланади”, - дейди голландиялик собиқ футбол юлдузи.

“Манчестер Сити” – “Реал” қарама-қаршилиши бугун Тошкент вақти билан соат 00:00да бошланади.