Зидан бу жамоа учун бешта термадан воз кечди

“Реал”ни тарк этганидан бери ишсиз юрган Зинедин Зидан яна мураббийлик фаолиятига қайтиши кутилмяпти.

Франциялик мутахассис ўзи 1996-2001 йилларда ўйнаган “Ювентус” бош мураббийлигини қабул қилиб олишни режалаштирган. Бу ҳақида Франциянинг L'Equipe нашри хабар тарқатди.

Манбанинг таъкидлашича, Зидан мураббий сифатида фақат “Ювентус”да ишламоқчи.

Маълумотларга қараганда, собиқ футболчи Турин клубини бошқариш мақсадида Португалия, Бразилия, АҚШ, Қатар ва Бирлашган Араб Амирликлари терма жамоаларида бош мураббий бўлиб ишлаш таклифини рад этди.

Зидан мураббий сифатида фақат “Реал”да ишлаган ва қисқа фурсат ичида мадридликлар билан 11 та совринни қўлга киритган.