Зидан Германия терма жамоасидан бўлган таклифни ўйлаб ҳам ўтирмади
Франциялик мураббий Зинедин Зидан Германия терма жамоасини бошқариш борасида таклиф олди. Бу ҳақда "Fichajes" нашри хабар тарқатди.
Манбанинг қўшимча қилишича, Зизу дарҳол ушбу таклифга рад жавобини берган. "Реал" собиқ мураббийи Бундестимни бошқаришни хоҳламаяпти.
Эслатиб ўтамиз, аввалроқ Германия терма жамоаси салбий натижалар туфайли Ханс-Дитер Фликни истеъфога чиқарганди. Жамоа яқиндагина Японияга қарши ўртоқлик учрашувида йирик ҳисобда мағлуб бўлганди.
Фикрлар