Зидан Перес "бомба трансфер" тайёрлаётгани ҳақида: Ҳар нима бўлиши мумкин, Битта "бомба", иккита "бомба"...

"Реал" клубининг бош мураббийи Зинедин Зидан трансфернинг сўнгги кунларида таркибни кучайтириб олиш мумкинлиги ҳақида гапирди.

Флорентино Перес трансфернинг сўнгги кунларида "бомба трансфер" амалга оширадими?

"(Кулиб). Ҳар нима бўлиши мумкин. Душанба кунигача кутамиз. Битта "бомба", иккита "бомба"... Кўрамиз.
Мен ихтиёримда бўлган футболчилар билан фахрланаман. Мен учун улар энг яхшисидир. Қачонки ўзгаришлар ҳақида гапирганингизда, Чемпионат бошланганидан сўнг таркибингиздан мамнун бўлишингиз муҳимдур ва мен қўл остимдаги футболчилардан қониқяпман.

Ҳозирги таркибимизда нолишга ҳаққим йўқ. Агар бу мени қониқтирмаса, бу ерда ишламаган бўлардим.

Барча мураббийлар шундай жамоани тайёрлашни ва бу футболчиларга эга бўлишни хоҳлашади," - деди Зидан.