Зидан “Реал”дан бошқа жамоага ўтди
“Реал” бош мураббийи Зинедин Зиданнинг ўғли Люка мадридликлар таркибини тарк этиб, Сегунда иштирокчиси “Райо Вальекано” сафига қўшилди.
22 ёшли дарвозабонни текинга қўлга киритган “Райо Вальекано” у билан икки йиллик битим имзолади.
Люка Зидан “Реал” тарбияланувчиси ҳисобланади. У “Қироллик клуби”нинг ўсмирлар ва ёшлар жамоасида турли мусобақаларда иштирок этган. Ўтган мавсумни “Расинг” сафида ўйнаган Люка 33 та учрашувда 42 та тўп ўтказиб юборди ва еттита учрашувда дарвозаси дахлсизлигини сақлаб қолди.
Яқинда яна бир ўғли - Энцо Зидан "Альмерия" клубини тарк этган эди.
Фикрлар