Зиданнинг янги иш жойи маълум бўлди

Франциялик футбол афсонаси Зинедин Зидан 2021 йили “Реал” бош мураббийлигини тарк этганидан бери ишсиз юрибди. Маҳоратли мутахассис шу пайтгача турли клублардан келган таклифларни қабул қилгани йўқ.

Журналист Хосе Феликс Диаснинг маълум қилишича, Зиданнинг мураббийлик бўйича кейинги иш жойи Франция терма жамоаси бўлади.  Манбага кўра, Зидан “Реал”ни бошқариши мумкинлиги ҳақидаги хабарлар ҳақиқатдан ачна узоқ. “Қироллик клуби” Хаби Алонсони бош мураббий этиб тайинлагунича ҳам франциялик мутахассисни қайтариш вариантини ҳатто кўриб ҳам чиқмаган.

Зидан ва “Реал” раҳбарияти дўстона алоқаларни сақлаб қолган, лекин ҳар икки томонда ҳам бирга ишлаш ғояси йўқ.

Айни пайтда Франция терма жамоасини 57 ёшли Дидье Дешам бошқаряпти. 2012 йилдан бери мамлакатнинг бош жамоасида ишлаб келаётган  Дешам 2026 йилги жаҳон чемпионатидан кейин ўрнини бўшатиши кутиляпти.