Isroil Madrimov va Virjil Ortis jangi yakunlandi

Ayni paytda Saudiya Arabistonida katta boks oqshomi bo‘lib o‘tmoqda. 

E’tiborlisi, unda hamyurtimiz Isroil Madrimov ham ishtirok etdi. Charm qo‘lqop ustamiz amerikalik Virjil Ortisga qarshi ringga ko‘tarildi. Keskin kurashlarga boy o‘tgan bahsda vakilimiz ochkolar evazi(115-113; 115-113; 117-111)ga imkoniyatni boy berib qo‘ydi.

Eslatib o‘tamiz, bu Madrimovning professional boksdagi ikkinchi mag‘lubiyati bo‘ldi. Ortis esa faoliyatidagi yigirma uchinchi g‘alabasini qo‘lga kiritdi.