Asosiy mazmunga oʻtish
Boks

AIBA prezidenti G‘ofur Rahimov O‘zbekistonga keldi

Baxtiyorjon Toshtemirov
Izohlar: 0

Katta lavozimga saylangan hamyurtimiz Toshkentga qaytib keldi.

Xabaringiz bor, 2-3 noyabr kunlari Moskva shahrida Xalqaro havaskor boks assotsiatsiyasi (AIBA) ning navbatdagi Kongressi bo‘lib o‘tgandi. Kongress davomida hamyurtimiz G‘ofur Rahimov AIBA prezidentlik saylovida ishtirok etgan va yakunda g‘alaba qozonib, tashkilot rahbariga aylangandi. Rahimov bu borada qozog‘istonlik Serik Konakbaevni ortda qoldirdi.

Bugun hamyurtimiz AIBA prezidenti sifatida yurtimizga tashrif buyurdi. Martabali mehmonni Islom Karimov nomidagi Toshkent xalqaro aeroportida Milliy olimpiya qo‘mitasi prezidenti Umid Ahmadjonov xamda Jismoniy tarbiya va sport vaziri Dilmurod Nabievlar kutib olishdi.

Eslatib o‘tamiz, Umid Ahmadjonov Moskvada bo‘lib o‘tgan AIBA Kongressida ham bevosita ishtirok etgandi.

Ma’lumot uchun: G‘ofur Rahimov 2022 yilgacha AIBA prezidenti sifatida faoliyat olib boradi.

Manbaa: MOQ rasmiy sayti.

Ulashish
SPORTS.uz'ning Instagram'dagi sahifasiga qo‘shiling!

Izohlar (0)

Hozircha izohlar yo'q