APL. 17-tur. Grand jamoalar o‘yinlari haqida
Bugun Angliya chempionatida 17-tur o‘yinlari start oladi. Ushbu turda APL grandlari qaysi jamoalar bilan to‘qnashishadi. Bu haqda quyida to‘xtalib o‘tamiz.
"Everton" - "Liverpul"
O‘zaro uchrashuvlar: 194
"Everton" g‘alabasi: 57
Durang: 63
"Liverpul" g‘alabasi:74
To‘plar nisbati: 269:225 "Liverpul" foydasiga
Ushbu turdagi eng ajoyib "derbi"! "Everton" 23 ochko bilan 8-o‘rinda borayotgan bo‘lsa, "Liverpul" 34 ochko to‘plab 2-pog‘onani band etib turibdi. "Irislar" ushbu mavsumda o‘z maydonlarida o‘tkazilgan 8 ta uchrashuvning hech birida imkoniyatni boy berishmagan. Bundan ko‘rinib turibdiki Klopp shogirdlari mehmondan 3 ochko bilan qaytishlari oson bo‘lmaydi.
"Manchester Siti" - "Arsenal"
O‘zaro uchrashuvlar: 162
"Manchester Siti" g‘alabasi: 38
Durang: 41
"Arsenal" g‘alabasi: 83
To‘plar nisbati: 275:180 "Arsenal" foydasiga
O‘zaro o‘yinlardagi yaqqol ustunlik Londonliklar tomonida. Boz ustiga oxirgi 5 o‘yinda "shaharliklar" "to‘pchilar"ni taslim eta olishmagan. "Siti"da 33, "Arsenal"da 34 ochko mavjud va ular turnir jadvalida yonma-yon borishmoqda. Mazkur bellashuv turning markaziy o‘yini hisoblanadi.
"Vest Bromvich" - "Manchester Yunayted"
O‘zaro uchrashuvlar: 112
"Vest Bromvich" g‘alabasi: 37
Durang: 26
"Manchester Yunayted" g‘alabasi: 49
To‘plar nisbati: 211:172 "qizil iblislar" foydasiga
"Vest Bromvich" klubi MYu uchun qulay bo‘lmagan raqib sanaladi. Ushbu jamoalarning oxirgi 7 to‘qnashuvida "qizil iblislar" atigi 2 marta yutishganini o‘zi ham, so‘zimizga isbot bo‘la oladi. "Bromvich" 23 ochko bilan 7, "Manchester Yunayted" esa 27 ochko bilan 6-o‘rinda bormoqda. Yon qo‘shnilar to‘qnashuvida Mourino shogirdlariga oson bo‘lishini tahmin qilish qiyin.
"Kristal Pelas" - "Chelsi"
O‘zaro uchrashuvlar: 28
"Kristal Pelas" g‘alabasi: 4
Durang: 9
"Chelsi" g‘alabasi: 15
To‘plar nisbati: 50:24 "aristokratlar" foydasiga
"Kristal Pelas" "Aristokratlar" bilan o‘tkazilgan 28 uchrashuvda bor yog‘i 4 marta zafar quchishgan. Ana shu yutuqlarning 2 tasi oxirgi 5 uchrashuvga to‘g‘ri keladi. Konte shogirdlari ketma-ket 10 ta o‘yindan buyon g‘alaba qozonayotganliklarini nazarda tutadigan bo‘lsak, ayni paytda "Chelsi" ajoyib formadi va bu o‘yinda ham klubning g‘alaba qozonish ehtimolligi yuqori.
Furqat Yusupov tayyorladi

Izohlar (0)