Kamerunni boshqaradigan Zeedorf va Klyuyvert juftligi o‘z ish joylariga etib kelishdi (VIDEO)

Yaqindagina Kamerun terma jamoasi bosh murabbiyligiga tayinlangan Klarens Zeedorf va uning assistenti Patrik Klyuyvert bugun o‘zlari faoliyat olib boradigan davlatga etib kelishdi.

Aytish lozimki, Kamerun futbol rahbariyati golland juftligining oldiga 2019 yil ushbu mamlakat mezbonligida o‘tadigan Afrika Millatlar kubogida g‘oliblikni qo‘lga kiritish vazifasi qo‘yildi.

Ma’lumot uchun, Zeedorf faoliyati davomida "Milan", "Shenchjen" va "Deportivo" klublarini boshqargan bo‘lsa, Klyuyvert AZ, "Tvente", "Neymegene" klublari va Gollandiya terma jamoasida assistent bo‘lib ishlagan.