Shyurrle APL klubida tibbiy ko‘rikdan o‘tish uchun Londonga etib keldi

Dortmundning "Borussiya" klubi vingeri Andre Shyurrle tez orada "Fulxem"ga ko‘chib o‘tadi.

Sky Sports tarqatgan xabarga ko‘ra 27 yoshli germaniyalik futbolchi yangi jamoasida tibbiy ko‘rikdan o‘tish uchun Londonga etib kelgan. U muvaffaqiyatli tibbiy ko‘rikdan so‘ng "Fulxem" bilan shartnoma imzolaydi.

Eslatib o‘tamiz, Shyurrle uchun Angliya premer-ligasi u qadar begona emas. Boisi, u 2013-2015 yillarda Londonning "Chelsi" klubida to‘p surgan.