Andrey Miklyaev: "Mavsumni munosib o‘tkazgani uchun "Nasaf"ni tabriklayman

“Lokomotiv” klubi oxirgi turda Qarshida “Nasaf” bilan bellashdi va unda hisob ochilmadi - 0:0. Mazkur uchrashuvdan so‘ng, “Lokomotiv” klubi bosh murabbiyi Andrey Miklyaev shunday dedi:

- Birinchi navbatda “Nasaf”ni mavsumni munosib tarzda yakunlay olgani bilan tabriklayman. Bugun oxirgi turni o‘tkazdik va uni g‘alaba bilan tugatishga harakat qildik.

Ko‘rdingiz, o‘yin keskin kurashlarga boy o‘tdi. Lekin hech kimga gol urish nasib qilgani yo‘q. Agar yutganimizda chempionatni yanada yuqoriroq o‘rinda tugatgan bo‘lardik. Lekin “Nasaf” ham jiddiy qarshilik ko‘rsatdi, - deya munosabat bildirdi, Miklyaev.