APLda navbatdagi iste’fo e’lon qildi

"Vulverxempton" matbuot xizmati jamoa bosh murabbiyi Vitor Pereyra iste’foga chiqarilganini e’lon qildi.

"O‘tgan yilning dekabr oyida Angliyaga kelgach, Pereyra va uning shtabi darhol muvaffaqiyatga erishdi va Premer-liga mavsumining ikkinchi qismini muvaffaqiyatli o‘tkazdi.

Biroq, so‘nggi davrdagi natijalar va ko‘rsatkichlar maqbul standartlardan past bo‘lib chiqdi, shu munosabat bilan rahbariyatni o‘zgartirish to‘g‘risida qaror qabul qilindi", - deyiladi "bo‘rilar" bayonotida.

Angliya chempionatining joriy mavsumidagi 10 o‘yindan so‘ng "Vulverxempton" 2 ochko jamg‘arib, 17-pog‘onadan 8 ochko ortda qolgan holda so‘nggi 20-o‘rinda bormoqda.