“Arsenal” chempion bo‘lolmaydi

Angliya futboli va “Manchester Yunayted” afsonasi Gari Nevill joriy mavsumda ilk bor “Arsenal”ning chempion bo‘lishiga bo‘lgan ishonchini yo‘qotganini ma’lum qildi.

Mavsum boshidan buyon Nevill bir necha marotaba “Arsenal”ni Premier-liga chempionligi uchun asosiy da’vogar sifatida ko‘rayotganini aytgan edi.

Biroq o‘tgan hafta oxirida “Manchester Siti”ga 1:2 hisobida mag‘lub bo‘lganidan so‘ng, Angliyaning sakkiz karra chempioni Nevill “Arsenal”ga ishonchini yo‘qotdi va endi ustunlikni “Siti”ga bermoqda.

Uning fikricha, har ikki jamoa ham qolgan barcha o‘yinlarda g‘alaba qozona olmaydi. “Arsenal” chempion bo‘lishi uchun “Siti” qaerdadir ochko yo‘qotishi kerak, ammo bu qachon va qaerda sodir bo‘lishi noaniq.

Nevillning ta’kidlashicha, endi “Manchester Siti” chempionlik poygasida katta ustunlikka ega.

Shuningdek, u “Arsenal” uchun navbatdagi o‘yin – “Nyukasl”ga qarshi bahs katta xavf tug‘dirishini aytdi. Agar jamoa o‘yinni yaxshi boshlamasa, stadionda asabiylik va bosim ortadi.

Nevill oldindagi uchrashuvlarda ham bosim saqlanib qolishini va “Arsenal” futbolchilari bu og‘ir vaziyatni yengib o‘tishi kerakligini ta’kidladi.