"Benfika" prezidenti jamoaga yangi murabbiy kelishini tasdiqladi

Sobiq portugaliyalik futbolchi, hozirda Lissabonning "Benfika" klubi prezidenti Ruy Koshta Chempionlar Ligasi guruh bosqichining birinchi turida "Qarabog‘"ga qarshi mag‘lubiyatdan so‘ng Brunu Lajening iste’fosi haqida fikr bildirdi.

- Brunuga qilgan mehnati uchun minnatdorchilik izhor etaman. Biroq, xayrlashish vaqti keldi. Keyingi murabbiyga kelsak, shanba kunigacha yangi mutaxassis tayinlashni umid qilmoqdamiz, - dedi jamoa prezidenti.

Eslatib o‘tamiz, "Benfika" o‘z maydonida "Qarabog‘"ga kutilmaganda 2:3 hisobida mag‘lubiyatga uchradi. Chempionlar ligasining navbatdagi o‘yinida "burgutlar" "Chelsi"ga qarshi bahs olib boradi.