Asosiy mazmunga oʻtish
Futbol

Bir o‘yinda ikkita jarohat

Suhrob Xolbekov
Izohlar: 2

Farg‘onaliklar uchun jiddiy yo‘qotishlar

"Neftchi" Superliganing 6-turida "Qizilqum"ga qarshi o‘ynab, durang natija qayd etdi. O‘yinda esa jamoaning ikkita futbolchisi jarohat oldi. 

Dastlab, 65-daqiqada Shohruz Norxonovga nisbatan o‘yin qoidasi buzildi va hujumchi maydonga yiqildi. Shu bilan birga, majburiy o‘zgartishga qo‘l urildi. 

Ushbu mavsum Superligada debyut golini urgan Norxonov birinchi marta asosiy tarkibga kiritilgandi. Aynan o‘sha payti o‘yinga qo‘shilgan G‘ulomxaydar Gulyamov esa 89-daqiqada o‘zgartirilishini o‘zi so‘radi. 

"Neftchi" bu turdan keyin turnir jadvalida 3-o‘rinda bormoqda. Jamoa peshqadam sifatida uyga qaytishi mumkin edi, lekin Shahboz Jo‘rabekovning so‘nggi daqiqalarda urgan goli farg‘onaliklarni ochko yo‘qotishiga sabab bo‘ldi. 

Ulashish
SPORTS.uz'ning Facebook'dagi sahifasiga a’zo bo‘ling!

Izohlar (0)

Hozircha izohlar yo'q