Bizga oʻt, evroda millioner boʻlasan!
Yaxshi variant
Italiyaning “Yuventus” klubi portugaliyalik yarim himoyachi Bernardu Silvaga 2028 yilning yozigacha mo‘ljallangan katta shartnoma taklif qilishga tayyor.
Bu haqida insayder Nikolo Skira xabar berdi. U avvalroq ham turinliklarning futbolchiga qiziqishi haqida ma’lumot tarqatgan edi.
Manbaga ko‘ra, yangi shartnomada hamkorlikni yana bir mavsumga – 2029 yilning yozigacha uzaytirish imkoniyati ham ko‘zda tutilgan.
31 yoshli futbolchining maoshi yiliga 8 million evroni tashkil qilishi aytilmoqda. Shu summaning 2 million evrogacha qismi bonuslardan iborat bo‘ladi:
- 1 million evro – samaradorlik uchun;
- 1 million evro – “Yuventus” UEFA Chempionlar ligasiga chiqsa beriladi.
Bernardu Silvaning “Manchester Siti” bilan shartnomasi 2026 yil yozigacha amal qiladi. Shu bois u yangi klubiga erkin agent sifatida, kompensatsiya pulisiz o‘tishi mumkin.
Izohlar (0)