Dilshodbek Ro‘zmetov: Sportda doim zo‘rdan zo‘r chiqadi

-81 kg vazn toifasida mamlakat birinchiligi g‘olibi Dilshodbek Ro‘zmetov final taassurotlari bilan o‘rtoqlashdi:

"Fikrimcha, menikichalik hissiyot qolganlarda yo‘q. Bizda jahon miqyosidagi sportchilar bor. Hal qiluvchi bellashuvda aynan shu raqib bilan jang olib borishimni kutmagandim. Chunki u kutilmaganda finalga chiqdi. Raqibim menga juda noqulay jang taklif qildi. Men u bilan ilk marotaba to‘qnash kelganim uchun biroz qiynaldim.

Sportda doim zo‘rdan zo‘r chiqadi. Shuning uchun, o‘z ustimda ishlashim shart. Aks holda, ularga yutqazib qo‘yishim mumkin. Xudo xohlasa, endi xalqaro maydonda ham yaxshi ishtirok etib, yurtimiz bayrog‘ini yuqori nuqtalarda turishiga harakat qilaman".