Husanov dahshat yuqori ball oldi!
Abduqodir bunaqa o‘ynasa, joyini hammadan tortib oladi
«Manchester Siti» tarkibida to‘p surayotgan O‘zbekiston terma jamoasi himoyachisi Abduqodir Husanov Angliya Premier-ligasining sakkizinchi turida «Aston Villa»ga qarshi o‘yinda (1:2) jamoadoshlari orasida ikkinchi eng yuqori bahoni oldi.
Flashscore xizmati Husanovning maydondagi harakatlarini 8,0 ball bilan baholadi. Mehmonlar safida undan yuqori ko‘rsatkichga faqat Jeremi Doku ega bo‘ldi — 8,1 ball.
Elliot Anderson 7,8 ball olgan bo‘lsa, Erling Xoland va Enco Fernandezga 7,7 balldan qo‘yildi. «Manchester Siti» futbolchilari orasida eng past bahoni darvozabon Janluidji Donnarumma qayd etdi — 4,5 ball.
Husanov ushbu uchrashuvni mehmon jamoa asosiy tarkibida boshladi. «Aston Villa»ga g‘alabani Nikolas Jeksonning dubli ta’minladi — u oltinchi va 60-daqiqalarda gol urdi. «Siti»ning yagona goli Erling Xoland tomonidan 52-daqiqada kiritildi.
«Manchester Siti» chempionatda yetti o‘yinlik g‘alabali seriyadan so‘ng ilk mag‘lubiyatini qayd etdi. Shunga qaramay, jamoa 21 ochko bilan turnir jadvalida peshqadamlikni saqlab qoldi.
Izohlar (0)