Ed Shiran Deklan Raysga o‘z imzosi tushirilgan gitara sovg‘a qildi

Taniqli ingliz qo‘shiqchisi Ed Shiran "Arsenal" jamoasi yarimhimoyachisi Deklan Raysga o‘z imzosi tushirilgan gitarani sovg‘a qildi.

Rays sovg‘aga minnatdorchilik sifatida uni instagram sahifasiga joyladi.

Unda Ed Shiran shunday yozgandi: "Keyingi safar ko‘rishganimizda ushbu gitarani chalib, qo‘shiq kuylaymiz. Jarima zarbalari qotili".

Eslatib o‘tamiz, Deklan "Real Madrid"ga qarshi kechgan Chempionlar ligasi doirasidagi dastlabki uchrashuvda ketma-ket 2 ta jarima zarbasidan unumli foydalangan edi.

Ma’lumot uchun, ushbu yozda Ed Shiran "Ipsvich" jamoasi aktsionerlaridan biriga aylangan va klubning 1.4 foiz aktsiyalarini sotib olgan.