Eldor Shomurodov O‘zbekiston MTJning eng yaxshi to‘purariga aylangani haqida post qoldirdi

O‘zbekiston milliy terma jamoasi sardori Eldor Shomurodov "CAFA Nations Cup" turniri ikkinchi turi doirasida Turkmanistonga qarshi o‘yinda maydonga tushdi va dubl muallifiga aylandi.

35 va 36-to‘plarini kiritgan mahoratli hujumchimiz "oq bo‘rilar" libosida eng ko‘p gol urgan futbolchiga aylanib oldi. Eldor o‘yindan keyin "Instagram"dagi sahifasida quyidagicha post qoldirdi:

"O‘zbekiston to‘purari bo‘lganimdan juda xursandman. Bundan ajoyib natijaga erishishni faqat orzu qilardim, ammo agar mehnat qilsak, barchasini qo‘lga kiritish mumkin.

Oilamga mehr va qo‘llab-quvvatlab turgani uchun, jamoadoshlarimga birgalikda amalga oshirgan ishlarimiz uchun minnatdorchilik bildiraman.

O‘zgacha lahzalarni qizaqog‘imga bag‘ishladim".