Endrik APLga yo‘l olishi mumkin
«Arsenal» yanvarda o‘yin amaliyotidan norozi Endrikni «Real»dan sotib olish bandisiz ijaraga olishni rejalashtirmoqda.
Yosh braziliyalik hujumchi Endrik qishki transfer oynasidanоq «Real» tarkibini tark etishi mumkin. Bu haqida TEAMtalk nashri xabar bermoqda.
Manbaga ko‘ra, futbolchini o‘z safiga qo‘shib olishga Londonning «Arsenal» jamoasi jiddiy qiziqmoqda. Angliya klubi yanvar oyidayoq Endrikni o‘z tarkibiga qo‘shib olishni rejalashtirayotgani aytilmoqda.
Ma’lumotlarga qaraganda, Endrik Joze Mourin’yu qo‘l ostida maydonga tushayotgan o‘yinlari sonidan qoniqmayapti. U aynan shu sababli jamoani o‘zgartirish variantlarini ko‘rib chiqishga tayyor.
Shu bilan birga, «Arsenal»ning dastlabki rejasi «Real»ga Endrikni ma’lum muddatga ijaraga olishni taklif qilishdan iborat. Eng muhimi, bu yerda to‘liq sotib olish bandini shartnomaga kiritmaslik varianti ko‘rib chiqilayotgani ta’kidlanmoqda.
Izohlar (0)