Fabio Kapello: "Galaktikoslar" yana “Real”ga qaytdi

Italiyalik mashhur mutaxassis va “Real” Madrid klubi sobiq bosh murabbiyi Fabio Kapello “qirollik klubi”ning joriy yozgi transferlar davrida amalga oshirgan xaridlari haqida gapirdi.

“Galaktikoslar yana “Real”ga qaytdi. Ulardan biri – Azar. Men ular qaysi futbolchilar bilan shartnoma imzolaganini bilaman va ular jamoaga yordam beradi deb o‘ylayman. “Real”ga g‘alabaga chanqoq yangi futbolchilar kerak edi”, - deydi Kapello.

Eslatib o‘tamiz, "Real" yozgi transferlar davrida Eden Azar, Luka Yovich, Ferlan Mendi, Eder Militao va Rodrigo kabi futbolchilar bilan shartnoma imzoladi.

Ma’lumot uchun, Kapello 1996-1997 hamda 2006-2007 yillarda "Real"ni boshqargan.