Fayzullaevni qor ham to‘xtata olmadi!

Rossiya futboli yoritib borayotgan “Sport Ekspress” nashri 30 yildan ortiq vaqt davom etib kelayotgan an’anasini davom ettirib, Rossiya Premer-ligasining eng zo‘r futbolchilari reytingini tuzib chiqdi.

Ushbu nashr ekspertlari har bir uchrashuvda barcha futbolchilarni baholab boradi va har turdan keyin umumiy natijalarni hisoblab, mavsumning eng kuchli futbolchilarini aniqlaydi.

TsSKA sharafini munosib himoya qilayotgan Abbosbek Fayzullaev 17-tur yakunlariga ko‘ra, kuchli uchlikdagi joyini saqlab qoldi.

Quyida reytingga kiritilgan futbolchilarning uchrashuvdagi harakatlari qanday baholanganini bilib olishingiz mumkin.

1. Mateo Kasserra («Zenit») — 6,50 ball.

Mateo jarohatidan qutilib, maydonga tushdi va “Lokomotiv” darvozasini ishg‘ol qildi. Biroq uning goli jamoasini mag‘lubiyatdan qutqara olmadi.

2. Vendel («Zenit») — 6,43 ball.

“Lokomotiv”ga qarshi faol o‘ynadi, ikki marta darvozaga zarba berdi, uch marta jamoadoshlarini qulay pas bilan ta’kinlab, o‘tkir pozitsiyaga chiqardi. Lekin bu harakatlar piterliklarga bir ochko ham taqdim etmadi.

3. Abbosbek Fayzullaev (TsSKA) — 6,36 ball.

Abbos Fayzullaev qorli maydonda ham o‘zini ko‘rsata oldi. TsSKA va “Rostov” bahsida o‘zbek legioneri raqib darvozasi tomon eng ko‘p zarba bergan o‘yinchi bo‘ldi. Uchrashuvning boshidayoq penalti ishlab, “armiyachilar”ning g‘alaba qozonishiga katta hissa qo‘shdi.

4. Eduard Spertsyan («Krasnodar») — 6,35 ball.

«Krasnodar» musobaqa jadvalida birinchi o‘ringga qaytdi. Jamoa etakchisi Spertsyan esa, ball jamg‘arishda kuchli uchlikka maksimal darajada yaqinlashib oldi. Eduard “Orenburg” darvozasiga 11 metrlik belgidan to‘p kiritdi.

5. Benxamin Garre («Krylya Sovetov») — 6,32 ball.

Yuqori sport formasini taklab olganini namoyish qildi. Jamoasi safida ketma-ket uchinchi o‘yinda to‘p kirityapti.

6. Jon Kordoba («Krasnodar») — 6,28 ball.

Diskvalifikatsiya tufayli o‘yinni o‘tkazib yubordi.

7. Klaudino («Zenit») — 6,24 ball.

Klaudino “Lokomotiq”ga qarshi uchrashuvda juda yaxshi boshladi, biroq keyinchalik o‘yinida pasayish kuzatildi.

8. Anton Zabolotniy (TsSKA) — 6,23 ball.

“Rostov”ga qarshi o‘yinning so‘nggi daqiqalarida maydonga tushirildi.

9. Fernando Kostantsa («Krylya Sovetov») — 6,21 ball.

“Sochi”ga qarshi juda faol o‘ynadi va jamoasining g‘alabasiga munosib hissa qo‘shdi.

10. Duglas Santos («Zenit») — 6,18 ball.

“Lokomotiv” bilan bo‘lgan to‘qnashuvda kutilgan o‘yinni namoyish qila olmadi. Harakatlari past baholandi va reytingda kuchli o‘nlikdan chiqib ketishga yaqin turibdi.

TsSKA Rossiya Premer-ligasining 18-turida musobaqa peshqadami "Krasnodar" mehmoni bo‘ladi. Turning markaziy uchrashuvi 10 dekabrga belgilangan. 

Ekspert: Fayzullaev Messi emas, Evropada o‘ynab ketolmaydi!