Fernandesh ijtimoiy tarmoqdagi layki uchun tanqidga uchradi
«Manchester Yunayted» sardori Brunu Fernandesh zahirada qolgach, sadoqat haqidagi tanqidiy postni layk qilib, muxlislar g‘azabini qo‘zg‘atdi.
«Manchester United» sardori Brunu Fernandesh ijtimoiy tarmoqdagi laykdan keyin muhokamalar markazida qoldi. Unda «Sodiq insonga bir kun kelib hamma narsaga befarq bo‘lib qoladigan darajaga yetishiga yo‘l qo‘ymang» degan mazmundagi postga layk bosgan.
Bu voqea jamoa bosh murabbiyi Maykl Kerrik portugaliyalik futbolchini «Bornmut»ga qarshi o‘yinda zahirada qoldirganidan keyin sodir bo‘ldi.
Manchester Evening News nashri layk bosilgan postning skrinshotini e’lon qildi. Nashr jurnalisti esa bu holat yuzasidan quyidagicha fikr bildirdi:
«Brunu Fernandeshga nima bo‘ldi? Odatda u bunday ishlarga qo‘l urmasdi, endi esa xafa bo‘lgan o‘smir kabi ahmoqona videolarga layk bosmoqda».
Jurnalist yarim himoyachining noroziligini tushunish mumkinligini tan oldi. Uning ta’kidlashicha, Fernandesh faoliyatining eng yaxshi yillarini klubga bag‘ishlagan, ammo jamoa hamon tanazzulda davom etmoqda. Biroq jurnalist Fernandesh avval Kerrikning ishonchini oqlamagani, endi esa o‘zini bir vaqtlari jamoadagi mavqeidan ochiq norozi bo‘lgan Alehandro Garnachoga o‘xshab tutayotganini qo‘shimcha qildi.
O‘tgan hafta Chempionlar ligasida «Komo»dan 1:4 hisobidagi mag‘lubiyatdan keyin Fernandesh o‘yin taktikasiyuzasidan tanqidiy fikrlar bildirgan edi. Yakshanba kuni esa sardorisiz maydonga tushgan «Manchester United» «Bornmut»ga 0:3 hisobida mag‘lub bo‘ldi.
Izohlar (0)